სოფელ ოქტომბრის საჯარო სკოლის რეაბილიტაცია დასრულდა


  • სსიპ საგანმანათლებლო და სამეცნიერო ინფრასტრუქტურის განვითარების სააგენტომ ზუგდიდის მუნიციპალიტეტის სოფელ ოქტომბრის საჯარო სკოლის სრული რეაბილიტაცია დაასრულა.

ახლად რეაბილიტირებული შენობა სააგენტოს დირექტორმა ლევან სუხიტაშვილმა, ზუგდიდის მერის მოადგილე მაიზერ ნანავასთან ერთად დაათვალიერა.

პროექტი, რომლის საერთო ღირებულება მილიონ ლარამდეა, სააგენტომ სამშენებლო ნორმებისა და მოთხოვნების სრული დაცვით განახორციელა. შედეგად, 123 მოსწავლეს საშუალება ექნება სრულფასოვანი ზოგადი განათლება თანამედროვე სტანდარტების შესაბამის გარემოში მიიღოს.

პროექტის ფარგლებში გარემონტდა საკლასო ოთახები, დერეფნები, სველი წერტილები, სპორტული დარბაზი, ადმინისტრაციული ნაწილი და ფოიე; სრულად შეიცვალა კარ-ფანჯარა და ელექტრობა. სკოლაში ფუნქციონირებს კლას-კაბინეტები, ბიბლიოთეკა, ექიმის და რესურს ოთახები.

150 მოსწავლეზე გათვლილი ორსართულიანი შენობა ადაპტირებული გახდა სპეციალური საჭიროების მქონე პირებისთვის: მოეწყო პანდუსი და ადაპტირებული სველი წერტილები. ეზოში გაკეთდა ხელოვნურსაფარიანი, კომბინირებული ღია სპორტული მოედანი და სარეკრეაციო სივრცე, დაიგო ასფალტის საფარი, გამოიცვალა ჭიშკარი და ღობე.


კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.

ძვირფასო ზუგდიდელებო, ზუგდიდის სტუმრებო და მეგობრებო

ჩვენი ფეისბუქ გვერდი უკვე 14 000 ადამიანმა გამოიწერა. შემოგვიერთდით თქვენც, აქ იდება ყოველდღიური სიახლეები, საინტერესო და საოცარი ამბები. გელოდებით, ჩვენ თქვენი მხარდაჭერა გვჭირდება! მადლობა და შეხვედრამდე!