- დღეს, 23 მაისს, მუზეუმების საერთაშორისო დღისადმი მიძღვნილი ღონისძიებების ფარგლებში, დადიანების სასახლეთა ისტორიულ-არქიტექტურულ მუზეუმში, 13:00 საათზე, მუზეუმის წინ მდებარე პარკში გაიხსნა გამოფენა -„ისტორია, რომელიც გვაერთიანებს“, სადაც წარმოდგენილი გახლდათ მუზეუმის ისტორიისა და კულტურული მემკვიდრეობის ამსახველი ფოტო-მასალა.
18:00 საათზე, ზვიად გამსახურდიას საპრეზიდენტო ცენტრში გაიმართება, ჟურნალისტ მარიკა ბაკურაძის დოკუმენტური ფილმის „საუნჯის ოდისეა“ ჩვენება.
ღონისძიების ფარგლებში, გამოცხადებულია ღია კარის დღე – სტუმრებს შესაძლებლობა ექნებათ უფასოდ დაათვალიერონ უფლისწულის სასახლე.
2005 წლიდან დამკვიდრებული საერთაშორისო კულტურული ინიციატივის – „ღამე მუზეუმში“ ფარგლებში, მუზეუმი ვიზიტორებს 21:00 საათამდე უმასპინძლებს.