- №67 ზუგდიდის საოლქო საარჩევნო კომისიის ცნობით, 2025 წლის 4 ოქტომბრის თვითმმართველობის არჩევნების საბოლოო შედეგების თანახმად, ზუგდიდის მუნიციპალიტეტის საკრებულოში, „ქართული ოცნების“ პროპორციული სისტემით არჩეული 13, „ძლიერი საქართველო-ლელოს“ 1 და „გახარია საქართველოსთვის“ 1 წევრი შევა.
საკრებულოში, შევა „ქართული ოცნების“ 35 მაჟორიტარი დეპუტატი. ზუგდიდის მუნიციპალიტეტის საკრებულო წარმოდგენილი იქნება 50 წევრით.
№67 ზუგდიდის საარჩევნო ოლქში 117347 ამომრჩეველია დარეგისტრირებული. არჩევნებში მონაწილეობა მიიღო 37780-მა ამომრჩეველმა.
საარჩევნო კანონმდებლობის მიხედვით, ზუგდიდის არჩეული მერი დავით კოდუა 29 ოქტომბერს შეუდგება მოვალეობის შესრულებას.
30 ოქტომბერს კი, გაიმართება არჩეული საკრებულოს პირველი სხდომა.
