ზუგდიდის მუნიციპალიტეტის ადმინისტრაციულ ერთეულებში, დასახლების საერთო კრებები და კონსულტაციები დაიწყო

• ზუგდიდის მუნიციპალიტეტის ადმინისტრაციულ ერთეულებში, ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები და კონსულტაციები დაიწყო.

ზუგდიდის მუნიციპალიტეტის მერიის ინფორმაციით, დღეს, შეხვედრები კორცხელის, ნაცატუს, ყულიშკარის, ნაწულუკუს, ზედაეწერის, ჩხორიას, ბაშის, ჭკადუაშის, ტყაიას, ალერტკარის, ჭაქვინჯისა და ბაღმარანის ადმინისტრაციულ ერთეულებში გაიმართა.

მიმდინარე წელს, ზუგდიდის მუნიციპალიტეტს ,,სოფლის მხარდაჭერის პროგრამის“ ფარგლებში, 950 000 ლარამდეა გამოყოფილი.