- წიგნის მოყვარული ახალგაზრდების ჯგუფ B612-ის ორგანიზებით ზუგდიდის ცენტრალურ ბიბლიოთეკაში პროექტის – „ელაპარაკე ახალგაზრდებს ბიბლიოთეკაში“ ფარგლებში შედგა შეხვედრა ფილოლოგიის დოქტორთან, პედაგოგ გია მურღულიასთან.
ზუგდიდის მუნიციპალიტეტის ბიბლიოთეკების მართვის ცენტრის ინფორმაციით, ბატონმა გიამ ახალგაზრდებს გააცნო საგანმანათლებლო პროგრამები: „მცირე პროზა“ და „ფილმმი“.
გია მურღულიამ ისაუბრა ფილოსოფიურ იგავ-არაკებზე, ტარიელის სახეზე „ვეფხისტყაოსანში“ და ბერტოლდ ბრეხტის „ღონისძიება ძალადობის წინააღმდეგ“-ზე.
შედგა ანიმაციური ფილმის „ალტერნატიული მათემატიკა“ ჩვენება. გაიმართა დისკუსია ზოგადი ჭეშმარიტებისა და თავისუფალი ნების შეზღუდვის თემაზე.