- BBC-ის ცნობით, კორონავირუსის ინფიცირების შემთხვევების ზრდის ფონზე, 14 ნოემბერს ავსტრიაში ლოკდაუნი გამოცხადდა იმ ადამიანებისთვის, რომლებიც კორონავირუსის წინააღმდეგ ჯერჯერობით სრულად არ აცრილან.
“ამ ნაბიჯის გადადგმა ჩვენთვის მარტივი არ არის, მაგრამ, სამწუხაროდ, აუცილებელია“,-განაცხადა ავსტრიის კანცლერმა ალექსანდერ შალენბერგმა.
გამოცემის ინფორმაციით, ლოკდაუნის გამოცხადების შემდეგ აუცრელ მოქალაქეებს სახლის დატოვების უფლება მხოლოდ ცალკეულ შემთხვევებში აქვთ, მაგალითად, სურსათის საყიდლად, ასევე, სამსახურში წასასვლელად და ა.შ.
