- საქართველოს უნივერსიტეტი მუდმივად ნერგავს სიახლეებს და ფეხს უწყობს იმ თანამედროვე ტენდენციებს, რომლებიც ელვის სისწრაფით იცვლება დღევანდელ მსოფლიოში. სწორედ ამიტომ, სოციალურ მეცნიერებათა სკოლა, სტუდენტებს, მოდიფიცირებულ ჟურნალისტიკისა და სტრატეგიული კომუნიკაციების (პრ) პროგრამებს სთავაზობს, რაც ითვალისწინებს ქეისურ სწავლებას.
ორივე კურსი მოიცავს ისეთ თანამედროვე მიმართულებებს როგორიცაა: ციფრული მარკეტინგი, სოციალური მედია, საგამოძიებო ჟურნალისტიკა, მონაცემთა ჟურნალისტიკა, რეკლამა, ბრენდინგი და სხვა.
გარდა ამისა,სოციალურ მეცნიერებათა სკოლა თანამშრომლობს საერთაშორისო ორგანიზაციებთან, რაც სტუდენტებისთვის დამატებითი ბენეფიტია.
უფრო დეტალურად თავად ჟურნალისტიკისა და სტრატეგიული კომუნიკაციების დეპარტამენტის ხელმძღვანელი ლელი ბიბილაშვილი გვესაუბრა:
-რას გულისხმობს განახლებული ჟურნალისტიკისა და სტრატეგიული კომუნიკაციების პროგრამა?
-ერთი წლის წინ ჩავატარეთ კვლევა, გამოვკითხეთ როგორც დამსაქმებლები, აგრეთვე სტუდენტები და კურსდამთავრებულები, შედეგებმა გვაჩვენა, რომ პროგრამა საჭიროებდა მოდიფიცირებას, გადავედით სწავლების ახლებურ მეთოდზე, რაც გულისხმობს ქეისურ სწავლებას.
საქართველოს მასშტაბით, ერთადერთი უნივიერსიტეტი ვართ, სადაც დაემატა მონაცემთა ჟურნალისტიკის კურსი, გაძლიერდა საგამოძიებო ჟურნალისტიკის მიმართულება. კურსი აგებულია მულტიმედიურად მუშაობის პრინციპზე, რადგან ჩვენს კურსდამთავრებულებს ჰქონდეთ ცოდნა როგორც ტელევიზიის სპეციფიკაზე, აგრეთვე რადიოსა და გაზეთზე. განსაკუთრებით მინდა გამოვყო ინტერნეტ მედია, რომელიც ყველაზე დიდი პოპულარობით სარგებლობს და კურსდამთავრებულების უმეტესობა სწორედ, ინტერნეტ მედია პლატფორმას ირჩევს სამუშაოდ.
შეიცვალა ე.წ. საზოგადოებასთან ურთიერთობის სასწავლო პროგრამა. ჩვენი სტუდენტები აღარ სწავლობენ ერთ კონკრეტულ მიმართულებას, მაგალითად მხოლოდ ღონისძიებების დაგეგმვას თუ წარდგენას, მოხდა კომპლექსური გაერთიანება, რაც აისახა პროგრამის სახელწოდებაშიც – „სტრატეგიული კომუნიკაციები“.
სტრატეგიული კომუნიკაციები აერთიანებს, როგორც მარკეტინგის, სოციალური მედიისა და ანალიტიკის კურსს, აგრეთვე სტუდენტები გადიან კორპორაციული სოციალური პასუხისმგებლობის, ბრენდინგის, რეკლამის კურსებს, რაც მათ სრულყოფილ ცოდნას აძლევს კომუნიკაციების სფეროში.
-როგორც ვიცით, თანამშრომლობთ საერთაშორისო ორგანიზაციებთან, გვესაუბრეთ.
დასაწყისში მინდა აღვნიშნო, საერთაშორისო ორგანიზაციების პროექტებში არამარტო სტუდენტები არიან ჩაბმულნი, არამედ ჩვენი ლექტორებიც. ბოლოს EJTA – ს (European Journalism Training Association) -საერთაშორის კონფერენციის ფარგლებში საქართველოს უნივერსიტეტი წარდგა თემით „მედია მრავალფეროვნება საქართველოში“, სადაც ჩვენმა ლექტორებმა წარადგინეს თუ როგორ ხდება მედია მრავალფეროვნების გაშუქება საქართველოში და სხვა ქვეყნების გამოცდილებებსაც გაეცნენ.
რაც შეეხება სტუდენტურ პროექტებს, აგრეთვე EJTA-ს ფარგლებში, მათ პლატფორმაზე eufactcheck.eu- ზე განთავსდა საქართველოს უნივერსიტეტის ჟურნალისტიკის სტუდენტების სტატიები, ინფორმაციის გადამოწმების შესახებ, თუ როგორ ხდებოდა რუსული გავლენების გავრცელება და ამავდროულად ევროპული სტერეოტიპების გავრცობა საქართველოში.
ევროპის საზოგადოებასთან ურთიერთობის საერთაშორისო ასოციაცია (EUPRERA) – ს ერთ-ერთი პროექტის ფარგლებში, ჩვენმა სტრატეგიული კომუნიკაციების სტუდენტებმა იმუშავეს კვლევაზე “ქალები პიარში“, რომლის პირველი ეტაპიც დასრულდა და გამოქვეყნდა საერთაშორისო ჟურნალებში.
ასევე, გავწევრიანდით მესამე საერთშორისო ორგანიზაციაში ECREA (European Communication Research and Education Association), რომელთან თანამშრომლობასაც ახლა ვიწყებთ, რაც დამატებითი რესურესების გაჩენას გულისხმობს ჩვენი სტუდენტებისთვის.
–კურსის მოდიფიცირების ფარგლებში კიდევ რა სიახლეებს სთავაზობს საქართველოს უნივერსიტეტის აღნიშნული პროგრამები სტუდენტებს?
–2020 წლის გაზაფხულზე, დაემატება სტუდენტების მიერ შექმნილი ახალი პლატფორმა ქართული პრესის ისტორია, სადაც ახალგაზრდებს ექნებათ საშუალება მიიღონ ინფორმაცია, თუ როგორ ვითარდებოდა ქართული პრესა.
აგრეთვე ვიწყებთ „gePRA“-სთან (საზოგადოებასთან ურთიერთობის საკონსულტაციო ორგანიზაცია) ერთად ონლაინ პიარ პლატფორმის შექმნას, სადაც სტუდენტებს შეეძლებათ ქართული ქეისები, რაც ნაკლებად ხელმისაწვდომია, ონლაინ სივრცეში მოიძიონ და სამუშაოს პროცესი გაიმარტივონ, აგრეთვე მიიღონ რჩევები კომუნიკაციების სპეციალისტებისაგან. ამ პროგრამის ფარგლებში, წარმატებული სტუდენტისთვის დაწესდება gePRA-ს სტიპენდიაც. ასევე, საქართველოს უნივერსიტეტში გაიხსნება gePRA-ს ცოდნის ოთახი, სადაც ჩატარდება მასტერკლასები და სტუდენტებს დამატებით შეეძლებათ ჩაერთონ სხვადასხვა პროექტებში.