ზუგდიდის საკრებულოს საფინანსო-საბიუჯეტო საკითხთა კომისიის თავმჯდომარედ 9 ხმით (4 წინააღმდეგი, გამოუყენებელი დარჩა 7 ბიულეტენი) თენგიზ ხარჩილავა აირჩიეს. მას შემდეგ, რაც ზუგდიდის საკრებულოს საფინანსო-საბიუჯეტო საკითხთა კომისიის თავმჯდომარე კახაბერ ფარცვანია საგანმანათლებლო რესურსცენტრის დირექტორად დაინიშნა, საკრებულოში კომისიის თავმჯდომარის ადგილი ვაკანტური იყო. დღეს, საკრებულოს სხდომაზე ფარული კენჭისყრით, ეს ადგილი “ბურჯანაძე დემოკრატების” პარტიული სიით საკრებულოში მოსულმა წარმომადგენელმა თენგიზ ხარჩილავამ დაიკავა, რომელმაც “ზუგდიდელებთან” საუბარში განაცხადა, რომ ამჯამად არის საკრებულოს დამოუკიდებელი წევრი და არ გამორიცხავს გახდეს “ქართული ოცნების” წევრი თუ მისი მათთან ყოფნა ერთ აგურს მაინც დადებს საპარლამენტო არჩევნებში “ოცნების” გამარჯვებისათვის.
კენჭისყრაში მონაწილეობა არ მიუღია ფრაქცია “ნაციონალებს”.