- ფოტოები, რომლებსაც გთავაზობთ, “ზუგდიდელებს,” ამ დილით, ზუგდიდის ბოტანიკურ ბაღში დილით მოსეირნე მოქალაქემ მოაწოდა და მასზე ავარიული, ფუღუროიანი ხეა აღბეჭდილი.
სავარაუდოდ, ხე, ბოლო დღეების ქარმა დააზიანა. ის სწრაფ ყურადღებას და რეაგირებას საჭიროებს, რადგან სასეირნო ბილიკთან ახლოსაა.
“ზუგდიდელები” ავარიულ ხეებთან დაკავშირებით, დაუკავშირდა ბოტანიკური ბაღის დირექტორს. ზვიად ქარჩავა ამბობს, რომ ბოტანიკურ ბაღში მსგავს მდგომარეობაში 17 ერთეული ხეა. თითოეულ მათგანზე შექმნილია დოკუმენტაცია. მიღებულია გადაწყვეტილება, რომ უახლოეს ხანებში, რამდენიმე მათგანი გადაიჭრება, რამდენიმე კი, გადაიბელება.
რაც შეეხება, ჩვენი წყაროს მიერ მოწოდებულ ფოტოზე აღბეჭდილი ხის ბედს, ზვიად ქარჩავა ამბობს, რომ ეს ხე არის ფაუტიანი და გადაიჭრება.
