რუსეთი ქვეყნიდან ათობით ფრანგ და იტალიელ დიპლომატს აძევებს


  • რუსეთი ათობით ფრანგ და იტალიელ დიპლომატს ქვეყნიდან აძევებს.

კერძოდ, რუსეთის საგარეო საქმეთა სამინისტროს ცნობით, პერსონა ნონ გრატად გამოცხადდა საფრანგეთის საელჩოს 34 თანამშრომელი და იტალიის საელჩოს 24 თანამშრომელი.

აღნიშნული გადაწყვეტილების შესახებ რუსულმა მხარემ საგარეო საქმეთა სამინისტროში დაბარებულ იტალიისა და საფრანგეთის ელჩებს აცნობა.

იტალიელი და ფრანგი დიპლომატების გაძევების გადაწყვეტილება რუსეთმა აღნიშნული ქვეყნების მიერ რუსი დიპლომატების გაძევების საპასუხოდ მიიღო. აპრილში საფრანგეთმა ქვეყნიდან რუსული დიპლომატიური დაწესებულებების 41 თანამშრომელი გააძევა, იტალიამ კი – 30.

წყარო


კომენტარის დატოვება

თქვენი ელფოსტის მისამართი გამოქვეყნებული არ იყო.

This site uses Akismet to reduce spam. Learn how your comment data is processed.