- სამეგრელო-ზემო სვანეთის სახელმწიფო ადმინისტრაციის ინფორმაციით, ანაკლია-განმუხურის საკარანტინო სივრცეში იმყოფება 105 პირი.
რაც შეეხება თვითიზოლაციას, რეგიონში ამ დროის მონაცემებით, 14 პირია თვითიზოლაციაში. სულ ეპიდზედამხედველობა დამყარდა 2071 პირზე.
ამავე ინფორმაციით, გუშინ, ზუგდიდის ინფექციური საავადმყოფოს ლაბორატორიაში გამოიკვლიეს 292 ნიმუში, მათგან ერთი დადებითია, ტრაილერის მძღოლი, რომელიც რეგიონში იყო რეისით ჩამოსული გაიკეთა პისიარი და აღმოაჩნდა დადებითი, ის შიდა ქართლიდანაა და აქვს უცხო ქვეყნის კვეთა, დანარჩენი ყველა უარყოფითია. დადასტურებულ შემთხვევას ზუგდიდში ყავდა ერთი კონტაქტი, რომელიც გადაყვანილია კარანტინზე, მიმდინარეობს დამატებითი გამოკვლევა კონტაქტებთან დაკავშირებით.
საზოგადოებრივი ჯანმრთელობის ეროვნული ცენტრის სამეგრელო–ზემო სვანეთის განყოფილების მიერ, დღეს, რეგიონის სხვადასხვა მუნიციპალიტეტებში დამატებით ბიოლოგიური მასალების აღება მოხდება.
