- კულტურის სახლის ყოფილ შენობას, სადაც ზუგდიდის შალვა დადიანის სახელობის პროფესიული სახელმწიფო დრამატული თეატრია განთავსებული სტიქიის გამო მოგლეჯილი ხე დაეცა და წინა ფასადის მონაკვეთი დაზიანდა.
ზუგდიდის შალვა დადიანის სახელობის პროფესიული სახელმწიფო დრამატული თეატრის ინფორმაციით, 7, 10 და 13 თებერვალს დაგეგმილი სპექტაკლები მოხსნილია.
“სტიქიური მოვლენის შედეგად მოგლეჯილი ხე დაეცა შენობას, სადაც დროებით განთავსებულია ჩვენი თეატრი. დაზიანდა შენობის წინა ფასადის მონაკვეთი. მიმდინარეობს აღდგენითი სამუშაოები. ამიტომ 7-10-13 თებერვალს დაგეგმილი სპექტაკლები მოხსნილია. დამატებით გაცნობებთ წარმოდგენის ახალ თარიღს.”-აღნიშნულია ინფორმაციაში.