- კომპანია პანდორა 1982 წელს ქალაქ კოპენჰაგენში (დანია) დაარსდა და დღეს უკვე მსოფლიო მასშტაბით სამკაულების ბრენდებს შორის ერთ-ერთი პირველი ადგილი უჭირავს. პანდორას სამკაულები მსოფლიოს 90 ქვეყანაში იყიდება და დასაქმებული ჰყავს 11, 400 ადამიანი.
პანდორამ მისთვის დამახასიათებელი, გამორჩეული ხელწერა – “ჩარმ” სამაჯურების კონცეპტი 2000 წელს წარადგინა და მას შემდეგ ის ბრენდის ცენტრალური პროდუქტად იქცა. პანდორას ჩარმით შექმნილი სამაჯურები, რომელიც ქალბატონების ინდივიდუალიზმს უსვამს ხაზს, ბრენდის კონცეპტუალური გამოწვევაა, რითაც ქალბატონებს ეძლევათ შესაძლებლობა თავად შექმნან ინდივიდუალური დიზაინის სამაჯური, ამავდროულად სიმბოლური დატვირთვა მისცენ თითოეულ ჩარმს და მუდამ თან ატარონ მათთვის მნიშვნელოვანი და დასამახსოვრებელი მომენტები.
ჩარმ სამაჯურების ისტორია
ჩარმების ისტორია გაცილებით უფრო ადრე იწყება, ვიდრე ჩვენ წარმოვიდგენთ – მას ძველი ბაბილონის მკვიდრნი ჩვენს წელთაღრიცხვამდე 700 წლით ადრე ატარებდნენ. რაც იმ დროს მისტიურ და რომანტიულ, წარმატების მომტან, ოჯახის გამაძლიერებელ და სხვადასხვა სენტიმენტების გამომხატველ სიმბოლოსთან ასოცირდებოდა.
შექმენით დაუვიწყარი მომენტები
პანდორას სამაჯურები მზადდება უნიკალური დიზაინით ვერცხლის, 14 კარატიანი ოქროს, ტყავისა და ტექსტილის მასალისაგან, ხოლო 700 სხვადასხვა სახეობის ჩარმის ორიგინალურ დიზაინსა და ფორმას ქმნის მურანოს მინა, ბუნებრივი ქვები, მარგალიტები, ვერცხლისა და ოქროს მეტალები. პანდორას ჩარმ სამაჯურები დღეს ბრენდის სხვა პროდუქტებთან შედარებით გაყიდვების 80%-ს მოიცავს. 2000 წლიდან მხოფლიო მასშტაბით გაყიდულია 3 მილიონი ჩარმ-სამაჯური, საუკეთესო გაყიდვების მაჩვენებელი კი პანდორას გულის ფორმის ვერცხლის ჩარმს აქვს.
შექმენი და შეაზავე ემოციებით
პანდორას კონცეფცია გვაძლევს საშუალებას სხვადასხვა ჩარმის კომბინაციით შევქმნათ ჩვენთვის სასურველი, უნიკალური სტილი. ჩარმის არსებობას პანდორას ბრენდის ქუდქვეშ საფუძვლად უდევს კონცეპტი – ხელშესახები, მნიშვნელოვანი მომენტები შენს სამაჯურზე, კოლექციის სელექციისათვის ჩარმები დაიყო სხვადასხვა ვიზუალის, ფორმის, ზომის, მასალის მიხედვით, სწორედ ამკოლექციების შერჩევით ქალბატონებს შეუძლიათ თავად შექმნან მათთვის სასურველი , უნიკალური სამაჯურები.
ნახევრად ხელნაკეთი პროდუქცია
მანამ სანამ პანდორას ჩარმ სამაჯური მომხმარებლამდე მივა, მასზე მსოფლიო სხვადასხვა ქვეყანაში პარალელურად ასეულობით ადამიანი მუშაობს. ასე მაგალითად, დანიის დედაქალაქ კოპენჰაგენში იქმნება და მუშავდება თითოეული ჩარმის ინდივიდუალური დიზაინი, რომელსაც საბოლოო სახე ეძლევა ტაილანდში. სპეციალური ჯგუფი დიდი დაკვირვებით და რუდუნებით არჩევს მასალას ჩარმის დეკორაციისათვის, ბუნებრივ ქვებს, მარგალიტებს…თითოეული ჩარმის ინდივიდუალური ყალიბის ჩამოსხმა – დამუშავება, დეკორირება, დაძვირფასი ქვების ხელით დატანა მაღალკვალიფიციური კადრების მეშვეობით ხდება.სამუშაო პროცესის დასრულების შემდეგ კი თითოეული ჩარმი ხარისხის კონტროლს საერთაშორისო სტანდარტების მიხედვითგადის.
უმაღლესი ხარისხის მასალები, მაღალპროფესიონალური საიუველირო ტექნიკა და ქალური ინდივიდუალიზმის გათვალისწინება დიზაინში – ის კრიტერიუმებია, რომელსაც პანდორა მკაცრად აკონტროლებს.
პანდორას ჩარმ სამაჯურები ბოლო რამდენიმე წლის მსოფლიო ტრენდია, რომელსაც ატარებენ ისეთი ცნობილი ადამიანები, როგორც: ვიქტორია ბექჰემი, კეტრინ ზეტა ჯონსი, სელენა გომესი, ემა ვოტსონი და ა.შ.
საქართველოში პანდორას ოფიციალური წარმომადგენელი კომპანია თაიმლესია, მაღაზიათა ქსელ თაიმში (მის: რუსთაველის 46, პეკინის 18, ს/ც: თბილისი მოლი, ჯი-თი- სი ) ქართველ მომხმარებლებს ეძლევა საშუალება ფეხდაფეხ მიჰყვნენ მსოფლიო ტენდენციებს და მიმდინარე კოლექციიდან შეარჩიონ მათთვის სასურველი ჩარმ სამაჯურები. სექტემბრის დასაწყისში კომპანია თაიმლესი პირველად საქართველოში პანდორას კონცეპტ მაღაზიის გახსნას გეგმავს.