გავრცელებული ინფორმაციით, ტელერადიოკომპანია “ოდიშის” საინფორმაციო სამსახურის რედაქტორმა, ჟურნალისტმა ნანა ქობალიამ, კომპანიის მეპატრონეებთან დაპირისპირების გამო, სამსახური დატოვა. “ზუგდიდელები” დაუკავშირდა ჟურნალისტს, რომელმაც უარი განაცხადა ამ თემასთან დაკავშირებით კომენტარის გაკეთებაზე-მან არც უარყო და არც დაადასტურა გავრცელებული ინფორმაცია.
ტელეკომპანია”ოდიშის”თანამშრომლები ამბობენ, რომ ნანა ქობალია, სამი დღეა, სამსახურში არ ყოფილა. ტელეკომპანიის დირექტორმა დათო გრიგოლიამ კი, ჟურნალისტს განუცხადა: “არ ვადასტურებ თქვენს ინფორმაციას ნანა ქობალიას სამსახურიდან წასვლის შესახებ. მას აქვს ოჯახური პრობლემა,-გარდაეცვალა მამამთილი და შეუძლია 40 დღე არ გამოცხადდეს სამსახურში”.