- საქართველოს მასშტაბით საგანმანათლებლო-ეკოლოგიური პროგრამა “ჩემი პირველი ნერგი” აქტიურად მიმდინარეობს, რომელშიც ქვეყნის მასშტაბით 41 000-ზე მეტი პირველკლასელია ჩართული. პროექტის ფარგლებში მოსწავლეებმა უკვე 31 000-ზე მეტი ნერგი დარგეს.
პროგრამის მონაწილეებს სპეციალურ ელექტრონულ პლატფორმაზე – cheminergi.eiec.gov.ge/ka – შესაძლებლობა აქვთ, ონლაინ რეჟიმში დააკვირდნენ და თვალყური ადევნონ საკუთარი ნერგის ზრდისა და განვითარების პროცესს.
