პარლამენტმა „ამნისტიის შესახებ“ კანონპროექტი პირველი მოსმენით მიიღო


  • პარლამენტმა „ამნისტიის შესახებ“ კანონის პროექტი, პირველი მოსმენით განიხილა და 91 ხმით მიიღო.

პარლამენტის პრესსამსახურის ცნობით, საკანონმდებლო ინიციატივის წესით კანონპროექტი განსახილველად პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ წარადგინა, რომელიც პანდემიის გამო დაწესებული შეზღუდვებიდან გამომდინარე პატიმრებისთვის მისჯილი ვადის გადაანგარიშებას ითვალისწინებს.

“იდეა გაჩნდა მაშინ, როდესაც პანდემიიდან გამომდინარე, პენიტენციურ სისტემაში შეზღუდვების გატარების საჭიროება დადგა. პატიმრებს, მათი უსაფრთხოებისა და ჯანმრთელობის ინტერესებიდან გამომდინარე, გარკვეული კომუნიკაცია ჰქონოდათ შეზღუდული გარე სამყაროსთან, ოჯახის წევრებთან. ინიცირებულ ვერსიაში გათვალისწინებულია, რომ ასეთ პირობებში გატარებული ყოველი 4 დღე პატიმარს ჩაეთვალოს სასჯელის მოხდის 5 დღედ. რაც შესაბამისად გამოიწვევს მისთვის მისჯილი სასჯელის გადაანგარიშებას“, – განმარტა მიხელ სარჯველაძემ.
​ამნისტიამ შეიძლება შეამციროს ვადები პირობით ვადამდე განთავისუფლების ან სამაჯურის ტარების პირობასთან დაკავშირებითაც.

ასევე შესაძლებელია მსჯელობა შედარებით მეტი შეღავათის დაშვებაზე გარკვეული კატეგორიის პატიმრებთან მიმართებით, როგორიცაა ხანდაზმულები, არასრულწლოვანები, ქალები. მეორე მოსმენისთვის ამ საკითხებზეც გვექნება ჩამოყალიბებული პოზიცია“, – განაცხადა მომხსენებელმა.

ასევე, მეორე მოსმენით განხილვის რეჟიმში იმსჯელებენ ამნისტიის აღსრულების მარტივ ფორმებზე, რომ ამან არ გამოიწვიოს სასამართლოს გადატვირთულობა.

როგორც მომხსენებელმა თავის გამოსვლაში აღნიშნა, კანონპროექტთან დაკავშირებით წარმოდგენილი იყო მოქალაქეების პეტიცია, რომელიც არ გაიზიარეს იმ ფორმალური მიზეზის გამო, რომ კანონპროექტი უკვე ინიცირებულია და განიხილება, თუმცა, პეტიციის ავტორთა მოსაზრებები აუცილებლად იქნება მეორე მოსმენისთვის განხილული და მხედველობაში მიღებული.


კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.

ძვირფასო ზუგდიდელებო, ზუგდიდის სტუმრებო და მეგობრებო

ჩვენი ფეისბუქ გვერდი უკვე 14 000 ადამიანმა გამოიწერა. შემოგვიერთდით თქვენც, აქ იდება ყოველდღიური სიახლეები, საინტერესო და საოცარი ამბები. გელოდებით, ჩვენ თქვენი მხარდაჭერა გვჭირდება! მადლობა და შეხვედრამდე!