ზუგდიდის იუსტიციის სახლში, ეროვნული სასწავლო ცენტრის ხელმძღვანელობით, უკვე მეორე დღეა მიმდინარეობს ზუგდიდის მერიასა და საკრებულოში დასაქმების მსურველ იმ აპლიკანტთა ტესტირება, რომლებმაც წარმატებით გაიარეს პირველი ტური. როგორც ტესტირებიდან გამოსულმა აპლიკანტებმა ,,ზუგდიდელებთან” საუბარში განაცხადეს, ტესტები იყო საშუალო სირთულის, რომლის დაძლევა არა მარტო საჯარო მოხელეობის მსურველებს, არამედ ნებისმიერ განათლებულ, აქტიურ მოქალაქეს შეეძლო.
ტესტირების მესამე ტურისათვის ემზადებიან ის აპლიკანტები, რომლებმაც ამ შაბათ-კვირას გაიარეს ტესტირება ზუგდიდის მუნიციპალიტეტსა და საკრებულოში დასასაქმებლად. მათთვის გუშინ აპელაციის დროც ამოიწურა.