ზუგდიდის მუნიციპალიტეტის მერიაში ვაკანტურია ინფრასტრუქტურული პროექტების მართვისა და არქიტექტურული სამსახურის, ეკონომიკური პოლიტიკისა და მუნიციპალური სერვისების სამსახურის, ასევე ზედამხედველობის სამსახურის უფროსის პოზიციები.
როგორც მერიის ადამიანური რესურსების მართვის სამსახურის უფროსმა ირაკლი ამანათიძემ უთხრა მედიას, მერის გადაწყვეტილებით, აღნიშნულ პოსტებზე ღია კონკურსი გამოცხადდება.