- ზუგდიდის მოსწავლე-ახალგაზრდობის სასახლის ახალგაზრდა ჟურნალისტთა კლუბში “სარკმელი” სასახლის ტექნოლოგიური და პროგრამული უზრუნველყოფის კოორდინატორმა ლევან ბაღათურიამ მასტერკლასი თემაზე: ‘’სოციალური მედიისთვის გადაღებული ფოტო’’ ჩაატარა.
სტუმარმა, დამსწრე საზოგადოებას თავისი მრავალწლიანი გამოცდილება გაუზიარა და საუბრისას შეეხო რამდენიმე მნიშვნელოვან თემას, როგორიცაა ფოტოგრაფიის ფუნდამენტური საკითხები, გადასაღები ობიექტის თავისებურებების ანალიზი, თანამედროვე ტექნიკა და აქსესუარები.
მასტერკლასის დასასრული პრაქტიკულ ნაწილს მოიცავდა, სადაც მოზარდებმა გადაღების ტექნიკის შესახებ საინტერესო და მნიშვნელოვანი ინფორმაცია მიიღეს.
