- ზუგდიდის მუნიციპალიტეტის მერმა მამუკა წოწერიამ, ადგილობრივი ხელისუფლების წარმომადგენლებთან ერთად, 1924 წლის აჯანყების მონაწილეთა ხსოვნას პატივი მიაგო და მემორიალი გვირგვინით შეამკო.
1924 წელს, საბჭოთა საოკუპაციო ძალების წინააღმდეგ მოწყობილი აჯანყება უთანასწორო ბრძოლაში დამარცხდა. ამის შედეგად, დაიწყო აჯანყებულების წინააღმდეგ მასობრივი რეპრესიები -დაპატიმრებები, აქტიურ წევრებს კი დახვრეტა მიუსაჯეს.
1924 წლის 6 სექტემბერს 40 აჯანყებული ზუგდიდის დადიანების სასახლეთა მიმდებარე ტერიტორიაზე დახვრიტეს.
