- ზუგდიდის მერია მერძეული მიმართულებით მომუშავე ქალი ფერმერების ეკონომიკური გაძლიერების პროგრამას იწყებს:”ყველის შესანახი და დასავარგებელი სარდაფის მოწყობა“ და „ვიტრინა მაცივრის შეძენა“.
აღნიშნული პროგრამები არის შესაძლებლობა ზუგდიდის მუნიციპალიტეტში მცხოვრები ოჯახების მატერიალური მდგომარეობის გაუმჯობესების, ცოდნის მიღება/ამაღლების და გრძელვადიან პერსპექტივაში სტაბილური შემოსავლების მიღების, მათი სოციალურ/ეკონომიკური მდგომარეობის გაუმჯობესებისათვის.
კონკურსში მონაწილეობის მიღების კრიტერიუმებია:
– მერძეული მიმართულებით საქმიანობის გამოცდილება;
– ევროპული ყველის სხვადასხვა სახეობების წარმოების გამოცდილება;
– შესაბამისი ინფრასტრუქტურის ქონა;
– სრულყოფილი ჰიგიენურ/სანიტარული მდგომარეობა;
– სათანადო ინვენტარი წარმოებისთვის;
– საკუთრებაში არსებული ს/სამეურნეო დანიშნულების მიწის ნაკვეთი.
კონკურსში მონაწილეობის მისაღებად, 29 აგვისტოდან 11 სექტემბრის ჩათვლით, უნდა წარმოადგინოთ განაცხადი ზუგდიდის მუნიციპალიტეტის მერიაში.
მისამართი: ზუგდიდი, რუსთაველის ქ. N90, ზუგდიდის მუნიციპალიტეტის მერიის ეკონომიკის და სოფლის მეურნეობის მხარდაჭერის განყოფილება.
დამატებითი ინფორმაციისთვის დარეკეთ: +995 511 14 43 83
