- ზუგდიდის ბოტანიკური ბაღების მართვის ცენტრის დირექტორად შალვა აგუმავა დაინიშნა. ინფორმაცია “ზუგდიდელებს” შალვა აგუმავამ დაუდასტურა.
“გუშინ დავინიშნე ბოტანიკური ბაღების მართვის ცენტრის დირექტორის პოზიციაზე. წლების განმავლობაში, ვმუშაობდი სხვადასხვა არასამთავრობო ორგანიზაციაში, კერძო სექტორში, ასევე საჯარო სამსახურში. ამ წუთებში, ვხვდები ბოტანიკური ბაღის განყოფილების წარმომადგენლებს. მინდა გითხრათ, რომ ჩვენ ვიქნებით ორიენტირებული ჩვენი საამაყო ბაღის განვითარებაზე და ზრუნვაზე.”
ინფორმაციისთვის: ზუგდიდის ბოტანიკური ბაღების მართვის ცენტრის ყოფილმა ხელმძღვანელმა ზვიად ქარჩავამ, თანამდებობა აგვისტოს ბოლოს, საკუთარი განცხადების საფუძველზე დატოვა.