ბოტანიკურ ბაღში საგანმანათლებლო და შემეცნებითი პროექტი “ჩვენ და გარემო“ იწყება

• ზუგდიდის ბოტანიკურ ბაღში საგანმანათლებლო და შემეცნებითი პროექტი სახელწოდებით “ჩვენ და გარემო“ იწყება.

პროექტის მიზანია ბოტანიკური ბაღის საგანმანათლებლო და შემეცნებითი საქმიანობის განვითარება, ადგილობრივი კულტურული მემკვიდრეობის გაცნობა და არქეოლოგიის სფეროში ცნობიერების ამაღლება.

პროექტში მონაწილეობას მიიღებენ ზუგდიდის მუნიციპალიტეტის საბაზო საფეხურის მოსწავლეები და საბუნებისმეტყველო საგნის პედაგოგები.

მოსწავლეები გაეცნობიან ბოტანიკური ბაღის ისტორიას, მის მნიშვნელობას და მცენარეთა მრავალფეროვნებას.

ასევე, თეორიულთან ერთად მსმენელები პრაქტიკულ სამუშაოებშიც აქტიურად ჩაერთვებიან, მათ შორის მცენარეთა ჩარგვა, ჰერბარიუმის დამზადება, არტეფაქტების დათვალიერება და სხვა.