ზუგდიდში, მუსიკალურ – ქორეოგრაფიულ ცენტრ ”ოდიშში” კულტურის მინისტრი მიხეილ გიორგაძე ცნობილი ქართველი ლოტბარისა და მომღერლის, პოლიკარპე ხუბულავას საიუბილეო საღამოს დაესწრო. ღონისძიებაში მონაწილეობა მიიღეს ადგილობრივმა ფოლკლორულმა ანსამბლებმა. საღამოს დასასრულს, კულტურის ცენტრის წინ გაიხსნა ქართველი ლოტბარის, პოლიკარპე ხუბულავას ვარსკვლავი. პოლიკარპე ხუბულავა 90 წლისაა, მას ხელოვნების სფეროში „მეგრული სიმღერების პატრიარქად“ მოიხსენიებენ, ლოტრბარმა აღადგინა და მოიძია ასობით ხალხური სიმღერა.