ეკატერინე ტიკარაძე-კორონავირუსზე ტესტირების ჯგუფებს აფთიაქის და სასურსათო მაღაზიების თანამშრომლებიც დაემატებიან

• ჯანდაცვის მინისტრის განცხადებით, იმ ჯგუფებში, რომელთა ტესტირებაც სავალდებულოა, აფთიაქის და სასურსათო მაღაზიების თანამშრომლებიც შევლენ.

“ამ ეტაპზე მიმდინარეობს ალგორითმის დამატებით ჯგუფებზე მუშაობა, ჯერჯერობით შეთანხმება არ არის მიღებული, თუმცა იმის მიხედვით, როგორც ჩვენ გვაქვს დაგეგმილი გახსნითი ღონისძიებების დაშვება, რა თქმა უნდა ვითვალისწინებთ, რომ აფთიაქებში და სასურსათო მაღაზიებშიც გაიზრდება ბენეფიციარების ნაკადი, ისინი შევლენ ამ ტესტირების ჯგუფში, თუმცა ჯერჯერობით ვადას ვერ დაგისახელებთ,”- განაცხადა ეკატერინე ტიკარაძემ.