ბესიკ არახამიას დიმიტრი ყიფიანის სახელობის მედალიონი და სიგელი გადაეცა

• ბიბლიოთეკარის დღე საზეიმოდ აღინიშნა საქართველოს ეროვნული ბიბლიოთეკის საგამოფენო დარბაზში.

ზუგდიდის მუნიციპალიტეტის ბიბლიოთეკების მართვის ცენტრის ინფორმაციით, საღამოზე ყურადღება გამახვილდა რეგიონული ბიბლიოთეკების კულტურულ-საგანმანათლებლო ცენტრებად გარდაქმნის მნიშვნელობის აუცილებლობაზე.

ამჟამად ქვეყნის მასშტაბით არსებული 834 ბიბლიოთეკიდან 64 მუნიციპალური ბიბლიოთეკაა. მათგან საბიბლიოთეკო საქმეში შეტანილი განსაკუთრებული წვლილისთვის რეგიონებიდან დაჯილდოვდა ოთხი ბიბლიოთეკის მენეჯერი. მათ შორის ზუგდიდის მუნიციპალიტეტის ბიბლიოთეკების მართვის ცენტრის დირექტორი ბესიკ არახამიაა, რომელსაც სპეციალურად ამ დღისთვის შექმნილი დიმიტრი ყიფიანის სახელობის მედალიონი და სიგელი გადაეცა.