საქართველოს პრემიერ-მინისტრმა გიორგი კვირიკაშვილმა ზუგდიდში ახლადაშენებული C ჰეპატიტის მართვის ცენტრი გახსნა. მთავრობის მეთაურის თქმით, ეს იქნება კომბინირებული ცენტრი, სადაც მოსახლეობას სკრინინგთან, ექიმის კონსულტაციასთან, მკურნალობასთან ერთად, მედიკამენტების მიღებაც შეეძლება. გიორგი კვირიკაშვილის თქმით, ეს ცენტრი ასევე მოემსახურება ოკუპირებული აფხაზეთის ტერიტორიაზე მყოფ ადამიანებს, იმ პირებსაც, რომლებსაც ნეიტრალური პასპორტები აქვთ.
„ძალიან მნიშვნელოვანია, რომ ამერიკის მთავრობამ, კომპანია „გილიადმა“ გაითვალისწინა ეს გარემოება და დაგვრთეს ნება ნეიტრალური პასპორტის მფლობელებმა იმკურნალონ ამ ცენტრში. სამწუხაროდ, ამ რეგიონში C ჰეპატიტის მაღალი მაჩვენებელია“, – განაცხადა გიორგი კვირიკაშვილმა.
პრემიერმა, ზუგდიდში, ც ჰეპატიტის მართვის ცენტრი გახსნა
