- ზუგდიდის მუნიციპალიტეტის მერიას, სააღდგომოდ, სოციალურად დაუცველი ჯგუფებისთვის, ტრადიციულ, სასაჩუქრე პაკეტებს შპს “სახანძრო ტექნიკი” მოუმზადებს.
ტენდერში გამარჯვებული “სახანძრო ტექნიკი” 41 195 ლარის ნაცვლად, მრავალშვილიან ოჯახებს, დედ-მამით ობოლ ბავშვებს, მეორე მსოფლიო ომში მონაწილე ვეტერანებს, მარტოხელა მშობლებს, უკიდურესად შეჭირვებულ ოჯახებს, სოციალური საცხოვრისისა და უფასო სასადილოს ბენეფიციარებს, 38 720 ლარად მოუმზადებს სასაჩუქრე პაკეტს, რომელშიც შევა 13 დასახელების პროდუქტი. მათ შორის: შესქელებული რძე, შაქარი, კარაქი ნაღების, კარამელი ხილფაფის გულსართით, ლიმონათი, კვერცხი, ფქვილი, პასკა, კვერცხის საღებავი, მაკარონი, ზეთი, ვაფლის ტორტი და ხორცის კონსერვი.
