- ზუგდიდი-ანაკლიის გზის სარეაბილიტაციო სამუშაოების გამო, მე-8 კილომეტრზე (ინგირი-კახათის მონაკვეთი) 2-მარტიდან 27- მარტის ჩათვლით გადაადგილება შეიზღუდება. მოქალაქეებს შეუძლიათ ისარგებლონ ალტერნატიული გზით, კერძოდ, ჯოტო გუგუჩიას ქუჩით.
ცნობისთვის, შიდასახელმწიფოებრივი მნიშვნელობის ზუგდიდი-ანაკლიის გზის 7 კილომეტრიან მონაკვეთზე ასფალტის საფარის რეაბილიტაცია მიმდინარეობს.
პროექტს საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ახორციელებს და მისი ღირებულება 12 მილიონ ლარზე მეტია.
