ზუგდიდში ბავშვთა დაცვის საერთაშორისო დღისადმი მიძღვნილი ღონისძიებები გაიმართა

• 1 ივნისს, ზუგდიდში, ბავშვთა დაცვის საერთაშორისო დღისადმი მიძღვნილი ღონისძიებები გაიმართა. ბავშვებმა მონაწილეობა მიიღეს ასფალტზე ხატვის კონკურსში, მოეწყო პანტომიმის პერფორმანსი, ფოტო-სტენდი, სახეზე ხატვა, მუსიკალური ვიქტორინა, ბუშტების ფეიერვერკი.

ბოტანიკურ ბაღში გაიმართა მოსწავლე ახალგაზრდობის სასახლის ბენდის „ზუგდიდი“ კონცერტი, მუსიკალური სკოლის საკონცერტო დარბაზში სამუსიკო სკოლის საფორტეპიანო და საორკესტრო მიმართულების მოსწავლეთა კლასიკური მუსიკის კონცერტი.

მერიის ბავშვის უფლებების დაცვისა და მხარდაჭერის განყოფილებამ პროგრამაში ჩართულ ბენეფიციარებს მაკდონალდსში უმასპინძლა.