დედამიწის საერთაშორისო დღესთან დაკავშირებით, ზუგდიდში დასუფთავების აქცია გაიმართა

• 22 აპრილს, ყოველწლიურად აღინიშნება ღონისძიება “დედამიწის დღე”. ამ დღესთან დკავშირებით, ზუგდიდის მუნიციპალიტეტის მთელს ტერიტორიაზე დედამიწის დღისადმი მიძღვნილი დასუფთავების აქცია ჩატარდა.

დასუფთავდა ზუგდიდის მუნიციპალიტეტის საჯარო სივრცეები და მასობრივი თავშეყრის ადგილები, ტრასები, ქუჩები, სკვერები, ბაღები, მოედნები, წყალსაწრეტი არხები და შავი ზღვის ანაკლია-განმუხურის სანაპირო ზოლი.

ზუგდიდის მუნიციპალიტეტის ააიპ “ზუგდიდდასუფთავების ცენტრი”-ს ადმინისტრაციის მიერ დასუფთავდა ბარამიას ქუჩაზე მდებარე იძულებით გადაადგილებულ პირთა საცხოვრებელი კორპუსების შიდა და მიმდებარე ტერიტორიები, ასევე ზემოთ აღნიშნული ტერიტორიების მოსაზღვრედ მდებარე კერძო პირების საკუთრებაში არსებული მიწის ნაკვეთები.