“რა, სად, როდის”- მეორე თამაში

12 ნოემბერს, მოსწავლე-ახალგაზრდობის სასახლის ინტელექტკლუბმა ,,რა? სად? როდის?’’ (ხელმძღვანელი ჯენეტ ქვარცხავა) ჩაატარა სამეგრელო-ზემო სვანეთის რეგიონული ღია ჩემპიონატის მეორე თამაში ორ ასაკობრივ კატეგორიაში. თამაშში,  ქალაქ ზუგდიდისა და ზუგდიდის რაიონის საჯარო სკოლებთან ერთად მონაწილეობდნენ ხობისა და სენაკის სკოლების ინტელექტუალური გუნდები.
I ასაკობრივ კატეგორიაში (VII-IX კლ.) მონაწილეობა მიიღო 20 გუნდმა, დაწინაურდნენ ზუგდიდის I საჯარო სკოლის გუნდი ,,ნიკე’’, წმ. გიორგის სახელობის გიმნაზიის გუნდი ,,გრაალი’’ და სენაკის წმინდა ალექსი შუშანიას სახელობის მართლმადიდებლური სკოლა გიმნაზიის გუნდი ,,ევრიკა’’. II ასაკობრივ კატეგორიაში (X-XIIკლ.) მონაწილეობა მიიღო 22 გუნდმა, დაწინაურდნენ ზუგდიდის II საჯარო სკოლის გუნდი ,,ჯინსების თაობა’’, მოხალისეთა ნაკრები გუნდი ,,გოდო’’ და ყულიშკარის საჯაროს სკოლის გუნდი ,,აიეტი’’.