- დადიანების მუზეუმში ახალი საგანმანათლებლო პროგრამა “ზღაპრები, მითები, იგავ-არაკები” დაიწყო.
პროგრამის მიზანია, მუზეუმის პოპულარიზაცია, ახალგაზრდების დაახლოება ისტორიულ მემკვიდრეობასთან და მათი ჩართვა შემოქმედებით-საგანმანათლებლო აქტივობებში.
“მონაწილეებს ჩაუტარდებათ ექსკურსია მუზეუმში და გაეცნობიან დადიანების უნიკალურ კოლექციას. სალექციო ფორმატში მოისმენენ ლექციას – დადიანების საბავშვო ბიბლიოთეკა. პრაქტიკული ნაწილი მოიცავს გონების სავარჯიშო სახალისო აქტივობას. მონაწილეობის მისაღებად აუცილებელია წინასწარი რეგისტრაცია. პროგრამები განკუთვნილია სკოლის ასაკის მოსწავლეთათვის (1 კლასიდან მე-6 კლასის ჩათვლით).”-აღნიშნულია დადიანების სასახლის ადმინისტრაციის მიერ გავრცელებულ ინფორმაციაში.
ჯგუფში მონაწილეთა რაოდენობა: 15-30 ბავშვი.
პროგრამის ხანგრძლივობა: 60-90 წუთი. პროგრამის ღირებულება: 7 ლარი.
დრო: სამშაბათიდან შაბათის ჩათვლით, 10:00-17:00 საათი.
