- ზუგდიდელი მხატვარ-რესტავრატორი, მშენებელი, ფერმწერი, მოქანდაკე, მეჩუქურთმე მალხაზ გარგულია მუშაობს ქვა-ჯვრებზე, ამზადებს კანელის ჯვრებს, ქმნის ფრესკებს, წერს ხატებს. მოჩუქურთმებული აქვს ზუგდიდისა და ცაიშის ეპარქიის რამდენიმე ტაძარი.
მალხაზ გარგულია: “ვსწავლობდი მეორე საჯარო სკოლაში. დავამთავრე ზუგდიდის სამხატვრო სკოლა. შემდეგ საქართველოს სუბტროპიკული მეურნეობის ინსტიტუტი ქალაქ სოხუმში. სტუდენტური წლები გავატარე საოცარ კუთხეში. სოხუმის სიყვარული და მოგონებები დღემდე მომყვება…
თავიდან პატარა სავაჭრო საქმეებით ვიყავი დაკავებული. დისტრიბუტორადაც ვმუშაობდი. ვიყავი მომმარაგებელი. მოხდა ისე, რომ დღეს, ქვა-ჯვრებზე და ქართულ ორნამენტებზე ვმუშაობ. ამ ეტაპზე, 400-მდე ნამუშევარი მაქვს შესრულებული.”