- დუზჯეს უნივერსიტეტის ორგანიზებით, თურქეთში საქართველოს საელჩოსა და დუზჯეს ქართული კულტურის ასოციაციის მხარდაჭერით, ქართული ენისა და ლიტერატურის მიმართულების დაარსებიდან 10 წლის იუბილესადმი მიძღვნილ საერთაშორისო სიმპოზიუმზე – “თურქულ-ქართული კულტურული ურთიერთობები“ – მონაწილეობა მიიღო დადიანების სასახლეთა ისტორიულ-არქიტექტურული მუზეუმის საგანმანათლებლო პროგრამების კურატორმა, ფილოლოგიის მეცნიერებათა დოქტორმა, ქალბატონმა ნანა აბულაძემ, რომელიც წარსდგა მოხსენებით – ,,ქსოვილით გაცოცხლებული ისტორია“.
დადიანების სასახლის ადმინისტრაციის ინფორმაციით, კონფერენციას წინ უძღოდა, 2023 წლის 18 მაისს, დადიანების სასახლეთა ისტორიულ-არქიტექტურული მუზეუმის, უფლისწულ ნიკო დადიანის სასახლის სამეჯლისო დარბაზში, გამოფენილი – ,,ქსოვილით გაცოცხლებული ისტორია“, სადაც დამთვალიერებლის წინაშე წარმოდგენილი იყო ექსპონატები არქეოლოგიის, ყოფისა და ეთნოგრაფიის, ახალი და უახლესი ისტორიის, საბიბლიოთეკო ფონდებიდან, რომლებმაც ფაქტიურად ქსოვილის ისტორია გააცოცხლეს.
“ამ გამოფენის ერთ-ერთი ხელმძღვანელი გახლდათ ნანა აბულაძე და სწორედ ეს გამოფენა იყო საფუძველი და ერთგვარი ინსპირაცია, კონფერენცის თემისა, რითაც ქალბატონი ნანა წარმატებულად წარსდგა საზოგადოების წინაშე.”-აღნიშნულია დადიანების სასახლის მიერ გავრცელებულ ინფორმაციაში.
