- ზუგდიდის რეფერალური ჰოსპიტალის (სს”ვიანი”) ქირურგიულ განყოფილებას ჯანდაცვის სამინისტროს მარეგულირებელმა სააგენტომ 1 ნოემბრიდან საქმიანობის უფლება აღუდგინა.
ზუგდიდის რეფერალური ჰოსპიტალის დირექტორმა ტატო თოდუამ “ზუგდიდელებს” აცნობა, რომ ზუგდიდის რეფერალური ჰოსპიტალი ჩვეულ რეჟიმში განაგრძობს ქირურგია-რეანიმაციის მიმართულებით სტაციონარულ საქმიანობას და პაციენტების მიღებას.
“ინფრასტრუქტურული პროექტის ფარგლებში გარემონტდა ქირურგიული დეპარტამენტი და სრულად განახლდა საოპერაციო ბლოკები. აღსანიშნავია, რომ ახალი მოთხოვნების მიხედვით, რეანიმაციული და ქირურგიული სტაციონარული სერვისების სანებართვო პირობების შემოწმება ჩატარდა. ჰოსპიტალში გათვალისწინებულ იქნა სამედიცინო საქმიანობის რეგულირების სააგენტოს მიერ გაცემული რეკომენდაციები”.
ინფორმაციისთვის: ზუგდიდის რეფერალური ჰოსპიტალის (სს”ვიანი”) ქირურგიულ განყოფილებას ჯანდაცვის სამინისტროს მარეგულირებელმა სააგენტომ 4 ოქტომბრიდან საქმიანობის უფლება შეუჩერა.