სასახლეში ექსპოზიცია “უფლისწულის გალერეა” გაიხსნა

• უფლისწულის სასახლეში დიდი ხნის პაუზის შემდეგ მუდმივმოქმედი ექსპოზიცია ,,უფლისწულის გალერეა” გაიხსნა.

გამოფენა სრულიად მიეძღვნა უფლისწულ ნიკო დადიანს. გამოიფინა რესტავრირებული, გაცოცხლებული უნიკალური ექსპონატები, ევროპული კულტურის უიშვიათესი ნიმუშები, ფაიფური, ფრაჟე, ძვლის სუვენირები, შანდლები, საწერი მაგიდის მოწყობილობები, დადიანების უნიკალური ბიბლიოთეკის ნაწილი, რომელშიც წარმოდგენილია XIX საუკუნის ფრანგული, ინგლისური, იტალიური და გერმანული სამეცნიერო-მხატვრული ლიტერატურა. ასევე, ევროპელი მხატვრების მიერ შესრულებული ფერწერის, გრაფიკის, გრავიურის ნიმუშები.

“სიმბოლურია ის, რომ თითქმის საუკუნის მაძილზე დახურული ექსპოზიციის კარები, უფლისწულის სასახლის სრული რეაბილიტაციის შემდეგ, სწორედ დღეს, დადიანების სასახლეთა ისტორიულ-არქიტექტურული მუზეუმის, სტრატეგიული განვითარების საბჭოს თავმჯდომარემ, ბატონმა გიორგი კალანდიამ და მუზეუმის დირექტორმა, ბატონმა დავით ოყუჯავამ გახსნეს.”-აღნიშნულია დადიანების სასახლის ინფორმაციაში.