“იპოვე შენი ვარსკვლავი”

• 18-19 მარტს, ქალაქ ქუთაისში, ზ. ფალიაშვილის სახელობის N2 სამუსიკო სკოლაში, საქართველოს პროფპროფკავშირული კულტურულ-საგანმანათლებლო დაწესებულებების შემოქმედთა კავშირის მიერ ორგანიზებულ ბავშვთა და მოზარდთა კლასიკური მუსიკის ყოველწლიურ რესპუბლიკურ ფესტივალ-კონკურსზე “იპოვე შენი ვარსკვლავი” წარმატებით წარსდგნენ სახელოვნებო სკოლების გაერთიანების N1, N2 სამუსიკო და საგუნდო-სამუსიკო სკოლების საფორტეპიანო, საორკესტრო და ვოკალური მიმართულების მოსწავლეები.

ფესტივალის მიზანია კლასიკური მუსიკის პოპულარიზაცია და განსაკუთრებული ნიჭით დაჯილდოებული მოზარდების გამოვლენა. კონკურსს აფასებდა კომპეტენტური ჟიური: კომპოზიტორი კახა ცაბაძე, კონსერვატორიის პროფესორები თამაზ მამაცაშვილი და ალექსანდრე გარბერი.