- ქალაქ მარიუპოლის მოსახლეობის ევაკუაცია დაიწყო, – ამის შესახებ ქალაქის მერის მრჩეველმა პეტრო ანდრიუშჩენკომ „რადიო თავისუფლებასთან“ ინტერვიუში განაცხადა.
„ჩვენი ინფორმაციით, ავტობუსებმა მარიუპოლი დატოვეს. წინასწარი შეთანხმების მიხედვით, ავტობუსები მოსახლეობას სოფელ მანგუშსა და ბერდიანსკში აიყვანენ”, – განაცხადა ანდრიუშჩენკომ და დასძინა, რომ მოქალაქეებს შეუძლიათ, კოლონას საკუთარი ტრანსპორტით შეუერთდნენ.
„ვიმედოვნებთ, რომ ჩვენი მარიუპოლის ათასობით მცხოვრები, რომელიც მარიუპოლიდან ზაპორიჟიესკენ მიმავალ გზაზე იყო ჩარჩენილი, ზაპოროჟიემდე დღეს საღამოს ან ხვალ დილით ჩავა“, – აღნიშნა მერის მრჩეველმა.
