ფესტივალი ,,ქARTული” ნინელი ჭითანავას ხსოვნას მიეძღვნება

• დღეს, ზუგდიდში, დაფუძნდა ხელოვნების ფესტივალი ,,ქARTული”. ფესტივალის პირველ კონცერტზე, ზუგდიდის მუნიციპალიტეტისა და მოსწავლე-ახალგაზრდობის სასახლის შემოქმედებითმა ჯგუფებმა წარმოადგინეს თავიანთი რეპერტუარი.

ფესტივალის მიზანია შემოქმედებითი ჯგუფების წარმოჩენა და მათი საქმიანობის მხარდაჭერა.

ფესტივალის დირექტორმა, ნატალია კემულარიამ განაცხადა, რომ ხელოვნების ფესტივალი ,,ქARTული” ეძღვნება მოსწავლე- ახალგაზრდობის სასახლის ყოფილი დირექტორის, ნინელი ჭითანავას ხსოვნას.

ფესტივალის ორგანიზატორია ააიპ ,,ხელოვნების ცენტრი” (დამფუძნებელი ნინო გოგოხია).

ფესტივალის მხარდამჭერია ზუგდიდის მუნიციპალიტეტის მოსწავლე-ახალგაზრდობის სასახლე (დირექტორი დავით შამათავა).