მუმული–მეგრული, იუმორისტული ლექსი

• სახალხო მთქმელის გულიკო ბერულავას, იუმორისტული, მეგრული ლექსი. გულიკო ბერულავა არის 84 წლის, ბავშვობიდან წერს ლექსებს, იყო ჩხორიის სამოყვარულო თეატრთან არსებული მომღერალთა ანსამბლის წევრი. კარგად ემარჯვება ხელოსნობა, უყვარს საოჯახო საქმეები.
• ლექსზე, ნახატი ფილმი შექმნეს ჩხორიის საჯარო სკოლის მოსწავლეებმა.

ფრევალიში თუთა ორდ,
საბატნი მოსარკილც…
შალვას მუმულქ მეუდინ
დო ვეძირ ნოსადილს…
ოჭმარეშე ონჯუაშა მობგორნდით მუმულცია,
შალვა შურას ურაგად:
-ვაგაშქურნას, ქუმურცია…
-მუჭომი გვანაფილი მაფუდუ,
ჩქიმი მუმული, კანდიორი.
-სქან კანდიკოქ ვადოიღურუ,
ხოლო დაგვანე მანგიორი…
-მუში გურით ვოგვანუა,
ხოლო ქმმოხინა
-შურა, ვაგაშქურნას,
ღორონთი ქმოძირანა
თაში დისერ  თე დღაქ დო
ვეძირ ჩქინი მუმულქია…
მარა შალვუა იჩემენც:
–სინანდულეს ქუმურცია.
მაჟია ოჭმარეს, იალონც,
ქოყიონნც სოდგარენი…
განწოფცით აბორებულო,
მარა მის გიჩქ, სოლე რენი.
მიდაფთი დუშაში ყუდეყუე,
მივოცაცა წყნარას:
“ღორონთი, ქიმიოყიონაფე
ჩქინი მუმული, ხუმარას!”
ათაქი გივორექნი თეში
ქიმიოღენჩუ დაღალულო,
მარა უცები თეში ებობრჯი,
მუთუნც ვავორწყექ შურო.
იფიფქრი: – “ინჭას ქინვოჯინექ…”
თე დროს შურათი ქუმურცია:
-ფეცხეფიში ინობშა ინჭას
მუ ინარაგუანდ მუმულცია?
ინვოჯინი ინჭასნი,  ამარი ქინოხე ჩქნი მუმული,
მა გაჭირებული გულიქ დებწყნარი ჩქიმი გური,
გახარებული ქოუძახქ ჩქიმი შურა დო კანდიკოს:
“-ნანა, მუსურე ვორწყექნი, თეცალი ვაუძირ კოც!”
ირკოჩი დოშაყარეს დო, კამათია ინოდგნც ტკვას.
მუმულიში ეშაყუნაფას, გულიკოქ დახე ქინანთხ წყარს.
კოწია მოურც ანთხებულო,
შარას ქიმირთვანს ბაშლაყუსუ:
-მუშარე საქმე, ქომწით ვარა
ათაქი ქიგლეპილა დუცუ.
გეშეპუნი მუმული დო, გინუოტე ღურასია:
–ანწი თექ მედინდა, შურს ვაუდგ შურასია.
–მუთუნი ვარ, კოწია, სქანი ჭირი,
თაქი ვაჭირც ბრელი მუთუნი,
სუმი დღა დო სერს ვაპუნდეს,
გაჭირებული ჩქინი მუმული…
ჩქნო ჯგრი ნორკობუენა
დუშა, დუნია, კამა, გული!
აკაშა დიბშაყარათ დო
ობჭკუმათ ჩქნი მუმული…
მალექსარი გოხოლთ
კოწია ბერულაში გული.
…მარა მუმულიში ჭკუმუას
ვადომძახეს მა უკული.