დღეს, მოსწავლე- ახალგაზრდობის განვითარების სასახლეში ჩატარდა ზუგდიდის მუნიციპალიტეტის მერიისა და სასახლის მხარეთმცოდნეობის კლუბის (ხელმძღვანელი თეონა ხუბულავა) ერთობლივი ვიქტორინა-კონკურსი “იცოდე შენი კუთხის ისტორია”- მეორე ტური, რომელიც მიეძღვნა დასავლეთ საქართველოს, ახ.წ. მეთხუთმეტე-მეთექვსმეტე საუკუნეებში.
ვიქტორინა-კონკურსის მიზანია სამეგრელოს წარსულში მოგზაურობა. ეთნიკური და კულტურული ფასეულობების პატივისცემის პოპულარიზაცია, მოზარდებში მშობლიური კუთხის ისტორიის ცოდნის ამაღლება, საქართველოს ფორმირებაში სამეგრელოს მნიშვნელოვანი როლის გაცნობიერება.