- ზუგდიდი-ანაკლიის გზის სარეაბილიტაციო სამუშაოების გამო, (ინგირი-კახათის მონაკვეთი) 5 დეკემბრის ჩათვლით გადაადგილება შეიზღუდება.
ზუგდიდის მუნიციპალიტეტის მერიის ინფორმაციით, მოქალაქეებს შეუძლიათ ისარგებლონ ალტერნატიული გზით. კერძოდ, კახათის ადმინისტრაციულ ერთეულში , თბილისის ქუჩით.
ინფორმაციისთვის: შიდასახელმწიფოებრივი მნიშვნელობის ზუგდიდი-ანაკლიის გზის 7 კილომეტრიან მონაკვეთზე ასფალტის საფარის რეაბილიტაცია მიმდინარეობს.
პროექტს საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ახორციელებს და მისი ღირებულება 12 მილიონ ლარზე მეტია.
