ორშაბათი მძიმე დღეა, ანუ საკურას ყვავილობამდე… (+ფოტო)

23 მარტი, 2020 წელი... მძიმე, ჩუმი და იმავდროულად, ძალიან ხმაურიანი ორშაბათი... დიახ, საქართველოში გამოცხადებული საგანგებო მდგომარეობის პირველი ორშაბათი იყო დღეს, უმძიმესი პირველი ორშაბათი!-კორონავირუსის "ნაჩუქარი" პირველი (იმედია, უკანასკმელი იქნება) ქართული "წითელი ზონით" მარნეულსა და ბოლნისში, კორონავირუსის 61 დადასტურებული შემთხვევით, მათ შორის 8 გამოჯანმრთელებულით, 3222 კარანტინის რეჟიმში და 237 სტაციონარში მეთვალყურეობის ქვეშ...

საქართველოში კორონავირუსით ინფიცირების შემთხვევათა რაოდენობა 61-მდე გაიზარდა

საქართველოში კორონავირუსით ინფიცირების შემთხვევათა რაოდენობა 61-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 3320 ადამიანი, ხოლო სტაციონარში მეთვალყურეობის ქვეშ - 235 პირი.

ზუგდიდის ბოტანიკური ბაღი დაიხურა

ზუგდიდის ბოტანიკური ბაღის ცენტრის დირექტორმა ზვიად ქარჩავამ "ზუგდიდელებს" უთხრა, რომ ქვეყანაში საგანგებო მდგომარეობის დასრულებამდე ბოტანიკური ბაღი დახურული იქნება. "საგანგებო მდგომარეობიდან გამომდინარე, ბოტანიკური ბაღი დავხურეთ. მუშაობს დაცვა და ადმინისტრაციაში რამდენიმე ადამიანი რჩება,"-გვითხრა ქარჩავამ.

Facebook ამერიკას 720 000 პირბადეს აჩუქებს

კორონავირუსთან საბრძოლველად Facebook ამერიკას 720 000 პირბადეს აჩუქებს. ამის შესახებ ინფორმაცია კომპანიის დამფუძნებელმა, მარკ ცუკერბერგმა გაავრცელა. ცუკერბერგი წერს, რომ ნიღბები იმ შემთხვევისთვის ჰქონდათ შეძენილი, თუ ხანძრები გაგრძელდებოდა და ის კომპანიის გადაუდებელი რეზერვი იყო. "ჩვენ ასევე ვმუშაობთ ფინანსურ წყაროებზე, რომ მილიონობით მეტის შემოწირვა შევძლოთ. იმედი მაქვს ყველა ჯანმრთელად და უსაფრთხოდ იქნება", —...

ქელეხები, ქორწილები და სხვა მსგავსი ღონისძიებები აიკრძალა

საქართველოს  მთავრობის #181-ე დადგენილებით საქართველოში ქორწილების და ქელეხების გადახდა აიკრძალა. "იკრძალება ისეთი სოციალური ღონისძიებები, რომელიც დაკავშირებულია 10-ზე მეტი ფიზიკური პირის შეკრებასთან (მაგ: ქელეხი, ქორწილი და სხვა მსგავსი ღონისძიებები),” – ნათქვამია მთავრობის მიერ გამოცემულ დადგენილებაში. დადგენილებით იკრძალება საჯარო სივრცეში ფიზიკურ პირთა თავშეყრა 10 პირზე მეტი რაოდენობით.

აფხაზეთში ასლან ბჟანიამ გაიმარჯვა

აფხაზეთის დე ფაქტო საპრეზიდენტო არჩევნებში, რომელიც 22 მარტს გაიმართა, წინასწარი შედეგებით, ასლან ბჟანიამ გაიმარჯვა. 23:30 საათის მონაცემებით, დათვლილია ყველა საარჩევნო უბანი და ასლან ბჟანიას ხმათა 56.85% აქვს მიღებული (52 289 ხმა).  

დონალდ ტრამპი: ვერ დავუშვებთ, რომ დაავადებასთან ბრძოლა თავად პრობლემაზე უარესი გახდეს

ვერ დავუშვებთ, რომ დაავადებასთან ბრძოლა თავად პრობლემაზე უარესი გახდეს, - ამის შესახებ აშშ-ის პრეზიდენტმა, დონალდ ტრამპმა Twitter-ზე დაწერა. „ვერ დავუშვებთ, რომ დაავადებასთან ბრძოლა თავად პრობლემაზე უარესი გახდეს. 15-დღიანი პერიოდის დასრულებისთანავე გადაწყვეტილებას მივიღებთ, თუ რა გზით გვსურს წასვლა“, - წერს აშშ-ის პრეზიდენტი. 16 მარტს ტრამპმა კორონავირუსის ეპიდემიის გავრცელების შეკავების 15-დღიანი ზომები დაამტკიცა,...

საქართველოში სასწავლო პროცესი 21 აპრილამდე გადაიდო

საქართველოში სასწავლო პროცესი კიდევ ერთხელ, ამჯერად 21 აპრილამდე გადაიდო. ამის შესახებ, საქართველოს მთავრობის 23 მარტს გამოცემულ 181-ე დადგენილებაშია აღნიშნული. დადგენილების თანახმად, შეზღუდვა ეხება ზოგადსაგანმანათლებლო და უმაღლეს სასწავლებლებს.

ყველა საქალაქთაშორისო ტრანსპორტის მოძრაობა, მათ შორის მატარებლით სამგზავრო გადაზიდვები იზღუდება

პრემიერის პრესსპიკერმა ირაკლი ჩიქოვანმა განაცხადა, რომ იზღუდება ყველა საქალაქთაშორისო ტრანსპორტის მოძრაობა, მათ შორის მატარებლით სამგზავრო გადაზიდვები. „საკოორდინაციო საბჭოზე იქნა მიღებული დამატებითი გადაწყვეტილებები და ეს საქართველოში საქალაქთაშორისო ტრანსპორტის შეზღუდვას გულისხმობს. თქვენ იცით, რომ ქვეყანა გადავიდა უკვე შიდა გავრცელების ეტაპზე და ჩვენ მაქსიმალურად უნდა შევეცადოთ, რომ შევაჩეროთ შიდა გადაცემის სისწრაფე. ამიტომ ვზღუდავთ...

“სამეგრელო-ზემო სვანეთის რეგიონში არ არის პროდუქტი დეფიციტური”

სახელმწიფო რწმუნებულის ალექსანდრე მოწერელიას განცხადებით, "როგორც ქვეყანაში, ასევე სამეგრელო-ზემო -სვანეთის რეგიონში არ არის პროდუქტი დეფიციტური - ,,მეზობელ ქვეყნებთან საბაჟო გამშვები პუნქტი გახსნილია ტვირთისთვის და პირველადი მოხმარების სასურსათო პროდუქციით დატვირთული ავტომობილები ქვეყანაში უპრობლემოდ შემოდიან. მთავრობამ აიღო პასუხისმგებლობა კერძო ბიზნესთან, რომ თუ მათ ასაღები ფასები გაუძვირდებათ, ფასთასხვაობას სახელმწიფო დაფარავს, რომ არ გაძვირდეს...