- დღეს, ზუგდიდის მუნიციპალიტეტის მოსწავლე-ახალგაზრდობის სასახლის ახალგაზრდა ჟურნალისტთა კლუბში “სარკმელი”, მორიგი “ხუთშაბათობა” გაიმართა.
მსმენელის წინაშე საკუთარი შემოქმედებით წარსდგა მეექვსე საჯარო სკოლის მეთორმეტე კლასელი და ახალგაზრდული სათათბიროს “ფოტო-მედია ხელოვნებისა და პიარის” კომიტეტის თავმჯდომარის მოადგილე გიორგი მესხია.
ახალგაზრდა პოეტმა თავისი შემოქმედებიდან რამდენიმე ლექსი წაიკითხა. შთაბეჭდილელებზე ისაუბრეს მისმა მეგობრებმა, სასახლის თანამშრომლებმა, ზუგდიდის მუნიციპალიტეტის საკრებულოს მაჟორიტარმა დეპუტატმა ედიტა კოდუამ და საქართველოს წითელი ჯვრის საზოგადოების სამეგრელო-ზემო სვანეთის წარმომადგენლობის ხელმძღვანელმა სოფიკო კონჯარიამ.
შეხვედრაზე, ახალგაზრდა შემოქმედს ლილე კვირკვიას, რომელიც წინა “ხუთშაბათობის” სტუმარი იყო გადაეცა მისი ლექსების კრებული სახელწოდებით “ჩემი სიყმაწვილის პირველი სტრიქონები”, რომელიც ნორჩ ჟურნალსტთა კლუბთან ერთად, მოსწავლე ახალგაზრდობის სასახლის გამომცემელთა ჯგუფმა დაბეჭდა.
ტრადიციად იქცა და მორიგ “ხუთშაბათობაზე” გიორგი მესხიასაც გადაეცემა ბროშურა მისი სიყმაწვილის პირველი სტრიქონებით.
