- აშშ-ის ალერგიისა და ინფექციური დაავადებების ეროვნული ინსტიტუტის დირექტორის, ენტონი ფაუჩის განცხადებით, ორი პირბადის ტარება კორონავირუსისგან თავის დასაცავად და გავრცელების შესაჩერებლად უფრო ეფექტურია. ინფორმაციას ამის შესახებ CNN-ი ავრცელებს.
„პირბადე არის ფიზიკური საფარი, რათა წვეთებისა და ვირუსის შეღწევა თავიდან იქნას არიდებული. თუ ერთ შრეს მეორეს დაამატებთ, უფრო ეფექტური იქნება. სწორედ ამ მიზეზით, ადამიანები ორმაგ ან N95 ტიპის პირბადეს ატარებენ“,- განაცხადა ფაუჩიმ.
