- დღეს, ზუგდიდში, თავისუფლების მოედანზე, ერთ-ერთი საცხოვრებელი კორპუსიდან “ერთიანი ნაციონალური მოძრაობის” ახალგაზრდულმა წევრებმა და მათმა მხარდამჭერებმა შინაგან საქმეთა მინისტრის გიორგი გახარიას ბანერი დაკიდეს წარწერით: “წადი”.
ადგილზე, იმყოფებოდნენ ზუგდიდის მუნიციპალიტეტის მერიის ზედამხედველობის სამსახურის წარმომადგენლები, რომლებმაც ჩადენილი ქმედებისთვის ჯარიმის აქტი შეუდგინეს აქციის იმ მონაწილეს, რომელმაც უშუალოდ მიიღო მონაწილეობა ამ ბანერის გადმოკიდებაში. ზედამხედველობის სამსახურის უფროსმა სპეციალისტმა გია გვილავამ ჟურნალისტებს განუმარტა, რომ ოქმი შედგა ადმინისტრაციული წესის მიხედვით და 50 ლარიან ჯარიმას ითვალისწინებს.
ზუგდიდში, შინაგან საქმეთა მინისტრის გიორგი გახარიას გადადგომის მოთხოვნით, რამდენჯერმე ჩატარდა აქცია.