სამეგრელოში გაიზარდა კარანტინში და თვითიზოლაციაში მყოფთა რიცხვი

• სამეგრელო-ზემო სვანეთის სახელმწიფო ადმინისტრაციის ინფორმაციით, ოთხით გაიზარდა ანაკლია-განმუხურის საკარანტინე სივრცეში მყოფთა რიცხვი. 30 ივნისის მონაცემებით, კარანტინში იმყოფება 91 პირი.

ხუთით გაიზარდა თვითიზოლაციაში მყოფთა რაოდენობა – 35 მოქალაქე.

სულ ეპიდზედამხედველობა დამყარდა 2011 პირზე.

ამავე ინფორმაციით, საზოგადოებრივი ჯანმრთელობის ეროვნული ცენტრის სამეგრელო–ზემო სვანეთის განყოფილების მიერ, დღეს, რეგიონის სხვადასხვა მუნიციპალიტეტებში დამატებით ბიოლოგიური მასალების აღება მოხდება.