დღეს, ახალგაზრდა იურსტთა ასოციაციის ზუგდიდის ოფისმა, ადამიანის უფლებათა დაცვის საერთაშორისო დღესთან დაკავშირებით, გამართა შეხვედრა: ,,რეგიონში არსებული ვითარება ადამიანის უფლებათა დაცვის კუთხით“. შეხვედრაზე ისაუბრეს დევნილების უფლებებზე. კერძოდ: სახელმწიფოს ვალდებულებაზე დევნილთა საცხოვრებლით დაკმაყოფილებასთან დაკავშირებით. ოჯახში ძალადობაზე და მის წინააღმდეგ მოქმედ მექანიზმებზე საქართველოს კანონმდებლობის მიხედვით; საკუთრების უფლების დაცვაზე; დაზარალებულის უფლებებზე.
ასევე წარდგენილ იქნა ადამიანის უფლებათა დაცვის კუთხით ორგანიზაციის სამომავლო საქმიანობა. შეხვედრაზე მოწვეული იყვნენ: საერთაშორისო, ადგილობრივი სამოქალაქო საზოგადოებისა და მასმედიის წარმომადგენლები.