- დღეს, ზუგდიდში, სკეიტ პარკის ტერიტორიაზე, არასამთავრობო ორგანიზაციების, პოლიტიკური პარტიების წარმომადგენლებმა და მოქალაქეებმა რუსეთთან ავიამიმოსვლის აღდგენა გააპროტესტეს.
აქციის მონაწილეებს ხელში ეჭირავთ ტრანსპარანტები წარწერით: “რუსული თვითმფრინავი ევროკავშირში არ ჯდება”, “არა რუსულ ფრენებს”, “საქართველო არასდროს გახდება რუსეთის გუბერნია”, “მონობა სტუმარ-მასპინძლობა არაა”.
აქციის მონაწილეთა განცხადებით, სასწრაფოდ უნდა აიკრძალოს ავიარეისები რუსეთიდან.
აქცია,”სამოქალაქო სოლიდარობის ფონდის” ორგანიზებით გაიმართა.
